PALTV

Share

Kemutungan hebat terjadi di Jalan Faqih Usman 16 Ulu pado Kemis dini ari seidaknyo ado 16 rumah yang ado di lokasi kejadian sudem ludes dilalap si jago abang.
Kejadian ini dewek didugo berasal dari sikok rumah warga yang sudem lakuke penimbunan BBM pasalnyo saat kejadian kemutungan warga di lokasi kejadian sempet tedenger suaro ledakan.
Dari asel pantauan PAL TV, kalo akibat kejadian kemutungan mak ini kondisinyo cuma tinggal puing-puing bae. Menurut Rusdiana warga yang jadi korban kemutungan pas terjadi kemutungan dio idak pacak metu dari rumah kerno selek api yang besak.
Akhirnyo waktu itu dio langsung nyelamatke diri liwat sunge musi dengan caro naik speed boat.
Peristiwa kemutungan ini baru pacak diatasi sekiro 3 jam dari kemutungan oleh petugas pemidem kemutungan yang dateng ke tempat kejadian.
Untuk sementaro dari kejadian kemutungan ini sudem nimbulke kerugian ratusan juta piah, mak ini untuk sementaro warga korban kemutungan arus ngungsi dari tempat tinggalnyo.

IRAWAN – PAL TV

Like Fans Page Facebook PalembangTV
Follow Twitter @PALTV_42
Follow Instagram @officialpaltv

39,881 total views, 50 views today